Bảo hiểm xã hộu ŭch rvăt êng lah nau ntrŭnh bảo hiểm bah Đảng ndrel Ngih dak, yor nau geh dơi bah nŭih pah kan ndrel ƀon lan, geh Ngih dak mât kơl, ntŭk kan Bảo hiểm xã hội dê ƀư.

            Nŭih geh râng rvăt lah nŭih ƀon lan Việt Nam ntơm tŏng 15 năm hao gŏ lơ mô geh tâm rnoh nŭih rvăt bảo hiểm xã hội nchâp đă ndrel mô di lah nŭih geh sa prăk khay rlu ranh, kơl an bah bảo hiểm xã hội, geh kơl an ăp khay;

            Rnoh rgop ăp khay tâm ban ma 22% rnoh prăk ƀư nau geh rgop êng. Tâm nê, nŭih râng bảo hiểm xã hội ŭch êng geh săch ăp rnoh geh dơi bah nơm ƀư ntŭk nsing rgop kơt ba kơi aơ: rnoh dêh ngăn tâm ban ma rnoh ach o tâm nkuăl ƀon lan tĭng nau ntrŭnh; prêh ngăn tâm ban ma 20 tŏ prăk khay geh kơp.

            Nŭih pah kan mra dơi geh nau rgop râng bảo hiểm xã hội ŭch êng geh Ngih dak kơl an prăk rvăt tĭng rnoh gâl rhiăng (%) tâm rnoh rgop bảo hiểm xã hội ăp khay đah rnoh geh kơp dơn rnăk ach o tâm nkuăl ƀon lan (mông nar kơl an mô rlau 10 năm (120 khlay). Rnoh kơl an n’hêl ân ăp nŭih geh kơt ba kơi aơ:

            -Kơl an 50% đah nŭih tâm rnăk ach o; nŭih dôl râh tâm xã gôl dak, đặc khu.

            -Kơl an 40% đah nŭih tâm rnoh rnăk êp ach o.

            -Kơl an 30% đah nŭih rnoi mpôl đê̆.

            -Kơl an 20% đah ăp rmôt nŭih êng êng.

            Nŭih râng bảo hiểm xã hội ŭch êng rnôk geh tŏng nau dơi tĭng nau ntrŭnh, geh kơl an ăp nau dơi kơt ba kơi aơ:

            -Tal bôk năp: geh kơl an prăk rnôk deh nse tĭng nau ntrŭnh đă.

            -Tal bar: geh sa prăk khay rnôk rlu ranh rnôk geh tŏng nau dơi mpeh năm rlu ranh ndrel năm rgop bảo hiểm xã hội. Prăk khay rlu ranh geh rgâl ăp năm tĭng rnoh hun hao văng sa.

            -Tal pe: nŭih rvăt bảo hiểm xã hội ŭch êng geh sa prăk khay rlu ranh mra geh ntŭk kan bảo hiểm xã hội pă thẻ bảo hiểm y rế mô roh prăk.

            -Rnôk nŭih râng bảo hiểm xã hội khĭt ri băl mpôl mra geh ndơn prăk kơl an tâp khĭt ndrel kơl an du tŏ tĭng nau ntrŭnh.

            -Lah rnôk tŏng năm rlu ranh ma ê geh tŏng 15 năm rgop Bảo hiểm xã hội ndrel ê tŏng nau dơi geh kơl an prăk rlu ranh, nŭih rvăt bảo hiểm mra geh sa Bảo hiểm xã hội du tŏ, mô lah đă geh sa tĭng nau dơi pă tâm ăp khay./.