Ta năp nĕ, wa Siu Bích, deh năm 1952, gŭ ta ƀon Bi, lĕ mbơh an Ƀan ntĭm rđău tahen xã Ia Dom n'hanh Đội K52 tât uănh nđôi, uănh năl, rnôk wa saơ du đê̆ môch gĭt ntôn năl lah môch tâp tahen khĭt tâm lơh kăl e. Rnôk uănh năl, mpôl kan dơi kan uănh năl nău mbơh geh nău tâm di n'hanh ƀư joi, rgum. Lôch uănh năl, Đội K52 lĕ rgum geh 2 nting tahen khĭt leo tĭng ndơ. Bar nting tahen dơi joi ta bar ntŭk ngai nklăp 12 mét ta nkual ƀon Bi, xã Ia Dom. Aƀaơ moh săk lĕ 2 nting tahen khĭt mô hŏ dơi gĭt. Mpôl K52 mbơh tay gưl geh nău dơi kan gay tĭng groi nđôi, ntĭm rđău ăp njoat bah kơi.