Ntơm bah nar 30/9 tât 6/10, bah nău mbơh bah nuĭh ƀon lan ta ntŭk, Pôih tahen K52 lĕ ƀư mpôl hăn ôp uănh, joi n'hanh rgum geh 5 nting tahen khĭt ta Campuchia. Tâm nê, 1 nting ta n'gor Rattanakiri, 2 nting ta n'gor Stung Treng n'hanh 2 nting ta n'gor Preah Vihear.

Ta ăp ntŭk rgum, mpôl kan dơi kan sŏk âk ndơ bah tahen, kơt ca-men, ŭnh treh, gri dak si Penicillin, bok put bôk B52, mbang ao, kho ao, tăng, ƀap, net, măt uănh… Rmôt K52 lĕ ƀư sŏk ntil sinh phẩm sêk đah ăp nting hôm ƀa ƀă gay rhŏ an nău kan uănh năl ADN năl săk tahen khĭt jêh aơ tay. Đah nău kan joi, rgum tâm dak, Rmôt K52 lĕ rgum tay 3 nting tahen khĭt ta ƀon Bi, xă Ia Dom, n'gor Gia Lai. Bah nău mbơh bah wa Siu Bích (deh năm 1952, gŭ ta ntŭk) mpeh ăp nting neh tâm mir jay, ntŭk kan lĕ uănh năl n'hanh sŏk joi geh 2 nting tâm nar 5/10 n'hanh 1 nting tâm kêng măng 7/10.