Aơ lah ăp ngih jay bôk năp tâm “nău kan Quang Trung” geh ƀư lôch n’hanh pă jao an ta Đăk Lăk. 5 ngih ja yor Sư đoàn Bộ binh 10, Quân đoàn 34 ƀư kan, pă an ăp rnăk ƀon lan ta thôn Trung Hoà n’hanh thôn Đông Hoà, xã Sơn Hoà. Tâm rlău 3 pơh ƀư jay, Sư đoàn Bộ binh 10 lĕ tâm rgop na nê̆ đah gưl uỷ, n’gâng kan ta ntŭk, rnâng kan mât uănh nău kan n’hanh ăp nuĭh dơn mât nău kan, dơn ngoăy đah ăp rnăk ƀon lan mpeh trong kan ndơ dŏng, leo ƀư kan bâh lơ 6/12/2025. Tât aƀaơ, ăp mblâm ngih jay lĕ ƀư lôch đah rnoh neh hvi 44 met vuông, lĕ rnoh prăk 170 rkeh prăk/mblâm yor ngih dak kơl an bơi tât 300 nar kan bâh tahen n’hanh bộ đội n’hanh nău kơl kan bâh ƀon lan. Lôch 5 ngih jay aơ, nchrăp ta lơ 4/1/2026, Quân khu 5 mbra geh tâm rgop đah ăp n’gor Đăk Lăk, Gia Lai n’hanh Khánh Hoà pă ngih jay rơh 1 an 123 rnăk đah 123 ngih jay. Tâm nĕ, Đăk Lăk âk ngăn đah 90 ngih jay.