Lơ 20/11, di nkah nar Nai ntĭm nti Việt Nam, rơh rƀŭn tal 8, Quốc hội gưl 15 rgum nchră Luật nai ntĭm nti. Rđau nkô̆ nau nar rƀŭn, Groi Kruanh Quốc hội Nguyễn Thị Thanh lah rjăp, Uỷ ban Rnâng kan Quốc hội ntoh nau nkah ngăn ndrel njoăl nau rhơn ueh ngăn tât ăp nŭih nai ntĭm nti ơm, ăp nŭih ntoh măt Quốc hội hŏ ndrel dôl pah kan tâm nau kan ntĭm nti, ndrel bơi tât 1,6 rkeh nŭih nai ntĭm, cán bộ mât nau kan ntĭm nti tâm lam dak. Ăp ntoh măt ntoh nau tâm ban prêh đah nau khlay ân geh ntrŭnh Luật nai ntĭm nti gay ƀư jêh trong kan pháp luật mpeh nai ntĭm nti, nkre geh nau kan ueh gay ma ndâk ndrel hun hao rmôt nai ntĭm nti, rklaih ăp nau kol tâm nau mât ngih dak mpeh nau ntĭm nti rnôk aơ.

Tĭng wa Trần Văn Thức, rmôt kan bah n’gor Thanh Hoá, nau kan săch nau nti tâm ăp ntŭk kan rnôk aơ dôl ƀư tĭng nau ntrŭnh snum mpeh nau săch viên chức, aơ lah nau ê dơi ƀư jêh rmeh, mô tŏngnai ntĭm nti, mô dơi ƀư ntĭm nti tâm du đê̆ môn gay ma ƀư nau kan ntĭm nti năm 2018./.