Lôch n’glăp nsum, n’gor Dak Lak geh rlău 3,3 rkeh nuĭh. Tĭng ƀư Nghị quyết mbrô 72 bah Bộ Chính trị, UBND n’gor Dak Lak hŏ tâm pă 400 rmen prăk gay but săm n’hâm suan tât leh, sơch but săm dơm an lam ƀon lan.

Aƀaơ hŏ geh rlău 2,08 rkeh nuĭh tât ăp ntŭk kan dak si but săm, geh tât rnoh âk rlău 67%. Ăp ntŭk geh rnoh nuĭh ƀon lan tât but săm âk rlău rĭng geh nsum lah ăp xã Sông Hinh, Tây Hòa, Ea Rốk... Gay tât rnoh geh dja, n’gor Dak Lak hŏ rdâk njêng trong nchrăp na nê̆, bah n’gor tât thôn ƀon; n’gâng kan dak si n’hanh n’gâng kan dơi kan ta ntŭk ăp gưl ndrel nsrôih. Aƀaơ Dak Lak dôl leo ƀư âk mpôl hăn but săm ta ăp nkual jru, nkual ngai, nkual jêr jŏt, nkual n’har bri, nsrôih wat jêh pah kan but săm n’hâm suan lam ƀon lan tâm năm aơ.