Lôch ƀư nău way nkah du bông nău rêh nău kan tahen, tâp bôr 731 nting tahen ơm khĭt tâm nar 14/10, ăp mpôl kan an ƀư tay rơh rgum joi tâl bar ta Nkual B. Ntơm bah nar 15 tât lĕ nar 17/10, hŏ năl saơ, rgum geh tay 33 nting tahen ơm khĭt dơi joi saơ ăp ntŭk êng êng, tâm nê geh 11 nting tahen ơm khĭt geh ndơ njăt nkre.

Kơt nê, ntơm bah rnôk an ƀư pah kan rgum joi tâm nar 23/6 tât lĕ nar 17/10, ăp mpôl kan hŏ năl saơ, rgum geh lĕ rngôch 764 nting tahen ơm khĭt ta Công viên Lê Thị Riêng, tâm nê geh 318 nting tahen ơm khĭt geh nkre ndơ njăt. Aƀaơ, pah kan rgum joi nting tahen ơm khĭt dôl an ƀư tay đah nuih n’hâm dơn kan âk, mpơl nău nkah gĭt jru đah ăp nting tahen ơm khĭt hŏ n’groh roh an n’gâng kan rlăch ndăng rklaih luh rnoi nuĭh, rdâk njêng n’hanh mât njrăng neh dak.