VOV4.M’nông - Nde tâm rnôk ndâp mpôn rnôk tĭng ƀư trong nchrăp kan rgâl neh bri mô uĕh jêng ta nkuâl n’har bri Chư Prông, n’gor Gia Lai jêng tăm cao su (lvang năm 2008-2010), du đêt doanh nghiệp hŏ muĭh kăl, rŭn in gay tăm hang rhiăng ha cao su ta neh bri. Bol ma nău tih hŏ ban saơ âk năm aơ, yơn tơm nuĭh tih hôm krap ndâp đŏng, n’gor Gia Lai nha mô hŏ dơi nkra rmal, lơh bah khuch khat.

          Wa Nguyễn Anh Vũ, kruanh ban mât uănh bri rchăng n’gang phŭt sial Ia Puch (nkuăl Chư Prông) an gĭt, 259,8 ha bri geh du đêt doanh nghiệp sreh kăl, rŭn in ta 9 tiểu khu (889, bah 919 tât 924, tiểu khu 229 n’hanh 919A), neh ntŭk mât uănh. Tâm nĕ, 200 ha lĕ geh tơm prêh uĕh nđĭrm dôl lvang rtăk. Na nê̆, rnoh neh cao su ta aơ lĕ têh tơm bah 20 tât 30 cm. Tă aơ nklăp 2 năm, tâm rnôk uănh rnoh neh aơ, cán bộ mât uănh bri saơ âk nuĭh ƀon lan ta ăp ntŭk êng dơi manh gay kor rtăk. Tĭng wa Vũ, nău aơ kơl ăp ntŭk kan tăm cao su mô tâm di ta neh bri mpôl nău ngăn.

200 ha cao lvang kor rttăk dơi tăm “ntŭng” tă aơ rlău 10 năm ta nkuăl Chư Prông

          “Đah năm cao su, gâp uănh lah rnoh aơ dơi tăm lvang 2008-2010. Mpôl hên saơ du đêt nuĭh ƀon lan geh ƀư, kor rtăk yơn mô gĭt ntŭk kan, jêh sroh ôp, khân pơng lah bah ntŭk êng, dơi manh kor tăk”.

          Rnôk “dêr măng, dêr ang” ƀư tĭng nău ntrŭnh rgâl bri mô jêng an tăm cao su ta nkuăl Chư Prông, Gia Lai, rlău 1.200 ha bri ta neh bah Ban mât uănh bri rchăng n’gang sial Ia Puch lĕ geh phah, rŭn in ƀư tăm tơm jŏ năm n’hanh cao su. Yơn lah, tât aƀaơ mhe geh bơi 870 ha yor nuĭh ƀon lan rŭn in dơi ƀư kloh. Êng đah 359,8 ha bri hôm ƀa ƀă, ri Thanh tra n’gor Gia Lai an lah, nuĭh tơm bri lĕ gĭt, yơn mô mbơh (n’glôn jêh Thanh tra n’gor Gia Lai an lah, nuĭh tơm bri lĕ gĭt, yơn mô mbơh “n’glôn jêh Thanh tra mrô 11/KL-TTr khay 9/2019). Rlơ̆ tay, tâm rơh kơp bri 2014, nuĭh tơm bri hôm kơp rnoh neh bri cao su mô tâm di aơ tâm rnoh neh tăm bah ntŭk kan. Thanh tra n’gor Gia Lai ntĭm kloh, đah nău phah, rŭn in bri ta aơ lah du doanh nghiệp.

          Bah năm 2019, rnôk dơi jao an nu nău, Ngih pah kan cảnh sát Điều tra (Công an n’gor Gia Lai) lĕ phong nău tih, phong 2 hê lah Nguyên Thị Hương n’hanh Phan Quốc Huy (lah ăp kruanh ban mât uănh bri Ia Puch tâm ăp lvang bah năm 2008 tât 2012) gay uănh nđôi tih “mô lĕ đah nău kan ƀư khuch hô”. Bôl rnoh neh cao su geh tăm mô tâm di geh êp rnoh neh bri rgâl an tăm cao su ma n’gor Gia Lai jao an ăp ntŭk kan: Công ty Cổ phần Đầu tư Quốc Cường Gia Lai, Công ty Kinh doanh hàng Xuất khẩu Quang Đức, Công ty TNHH MTV Cao Su Chư Prông, Công ty TNHH MTV Cao su Trung Nguyên, yơn tât aƀaơ, nuĭh tih hôm e mpôn. Wa Phạm Vũ Tú, Groi Kruanh UBND nkuăl Chư Prông an gĭt:

Năm 2019, Thanh tra n’gor Gia Lai năl nuĭh tih lah du đêt doanh nghiệp. Yơn tât aƀaơ, n’gor Gia Lai mô hŏ dơi mkra na nê̆

          “Ntŭk mpôl hên geh nău kan tâm rgop đah ăp nău kan bah n’gor gay tâm rgop ƀư kloh, saơ ăp rmôt, êng nuĭh tih. Mpôl hên ŭch ăp ngih pah kan dơi kan bah n’gor ơm mkra lôch nău, gay pah kan mât uănh ngih dak geh săk rnglăy âk ngăn tâm mât uănh rnoh neh bri hôm ƀa ƀă n’hanh rnoh neh geh tih”.

          Hang rbăn ha neh bri geh phah, yơn yor mbrơi, jêng rhianưg ha cao su lĕ hon mô tâm di, ntĭt nsa ntoh lư ăp rvêh lăp trôm nglai tâm nău mât uănh, mât njrăng bri ta nkuăl Chư Prông. Tâm trong kan uănh nđôi, rmal nău tih ta ntŭk mbrơi đŏng jêng nău jêr wât, jêng nău mô uĕh, khuch tât săk rnglăy mât njrăng bri bah n’gor Gia Lai.

          Nuĭh Rbalng: Y Sưng Phê Ja