Nău 15 cán bộ mpeh tâm Ban Thường vụ N’gor ủy kon Tum mât uănh dăn rlu ranh ơm nta nơih an nău ƀư tĭng nău ntrŭnh bah Trung ương rgâl mhe dăp rgum n’gâng kan ƀĭt joet bah trong chính trị. Kơp tât n’gul khay 2/2025, lĕ geh 15 cán bộ mpeh tâm Ban Thường vụ n’gor ủy Kon Tum mât uănh dăn rlu ranh ơm.

Tâm rnoh nĕ, geh wa Nguyễn Trung Hải, Ủy viên Ban Thường vụ N’gor ủy, Kruanh Ban Tuyên giáo N’gor ủy Kon Tum. 14 cán bộ hôm ƀa ƀă dăn rlu ranh ơm lah Tỉnh ủy viên, Giám đốc n’hanh groi Giám đốc du đê n’gâng kan, nău kan. Wa Ngô Thị Hoàng Anh, Groi Kruanh Ban Tổ chức N’gor ủy Kon Tum an gĭt, ăp cán bộ dăn rlu ranh ơm ƀư tĭng nuih n’hâm Nghị quyết mrô 18 bah Ban Chấp hành Trung ương Đảng, nta nơih an nău ƀư tĭng nău ntrŭnh bah Trung ương rgâl mhe, dăp n’gâng kân ƀĭt joet bah trong chính trị, nkre nta an cán bộ mom geh blău nsơr tay soan.