Kêng măng (03/2) ta Ngih Chính phủ, Thủ tướng Phạm Minh Chính wơt Tiến sỹ Philipp Rosler Kruanh Rƀŭn nchră Wăng sa Thụy Sỹ-Việt Nam (SVEF) ndrel 20 doanh nghiệp Thụy Sỹ n’hanh châu Âu tât mĭn joi dơi kan ndrel ntuh kơl ta Việt Nam. Ta nar wơt, Thủ tướng Phạm Minh Chính mbah rhơn mpôl kan ăp doanh nghiệp Thụy Sỹ n’hanh châu Âu tât Việt Nam jêh rnôk Việt Nam ƀư lôch uĕh Đại hội Đại biểu lam dak rơh tal 14 bah Đảng, n’gluh an trong uănh rƀŏng tât 100 năm ndâk njêng Đảng n’hanh 100 năm ndâk njêng neh dak.

Đah trong way ƀư “Chính phủ nâp nâl, doanh nghiệp n’hanh nuĭh ƀon lan uĕh lang”, “mô ngơi dơm, mô lah jêr, mô lah mô geh ma mô ƀư”, Thủ tướng mpŏng ŭch doanh nghiệp Thụy Sỹ n’hanh châu Âu kan ndrel đah Việt Nam gay: “Ndrel djăt n’hanh tâm wât đah doanh nghiệp n’hanh Ngih dak n’hanh nuĭh ƀon lan; ndrel tâm pă trong uănh n’hanh ƀư gay kan ndrel, ntop kơl nsum đah hun hao ngăch n’hanh nâp nâl; ndrel ƀư, ndrel dăng, ndrel geh sa, ndrel hun hao; ndrel nău răm, uĕh lang n’hanh nău ntô̆ n’hao”.