Măng nđaơ (3/2), ta Ngih mprơ Hồ Gươm (Hà Nội), nkah gĭt 96 năm Nar ndâk njêng Đảng Cộng sản Việt Nam (3/2/1930-3/2/2026), Mpôl rdâk ƀư Trung ương tâm rgop đah Tạp chí Cộng sản, Báo Nhân dân, Radio ntuh rup Việt Nam n’hanh Hội Nhà báo Việt Nam ƀư rnê rhơn bí thư chi bộ blău ngăn n’hanh mbơh, jao an ndơ nkhôm Búa Liềm Vàng rơh tal 10 năm 2025. Ta ƀư jao an ndơ nkhôm, Hội đồng chung khảo lĕ mbơh an Ban Ntĭm rđău ndơ nkhôm ntrŭnh jao an 6 Giải A, 13 giải B, 18 giải C, 10 giải chuyên đề n’hanh 35 giải khuyến khích an ăp tác phẩm uĕh ngăn.

Tâm nĕ, Radio nău ngơi Việt Nam geh 1 giải A, 1 giải C n’hanh 3 giải khuyến khích. Ntoh ngơi ta nar ƀư, Tổng Bí thư Tô Lâm lah rjăp, Đại hội đại biểu lam dak rơh tal 14 bah Đảng lah bôk tơm mhe tâm trong 96 năm Đảng rđău cách mạng Việt Nam, lôch uĕh bah Đại hội 14 lĕ ƀư nău mpŏng ŭch nsing nơm nău mĭn dŭt n’hâm n’hanh trong uănh hun hao mhe bah Đảng n’hanh rnoi nuĭh he. Ta nar ƀư đŏng Tổng Bí thư Tô Lâm, Thủ tướng Phạm Minh Chính, Kruanh Quốc hội Trần Thanh Mẫn ndrel ăp đồng kruanh Đảng, Ngih dak lĕ jao an ntĭt mpơl n’hanh bằng khen an ăp nuĭh nchih, rmôt nuĭh nchih geh ndơ nkhôm Búa liềm Vàng 2025 n’hanh 96 ăp bí thư chi bộ blău ngăn ta lam dak, nkre rgŏ jă tâm rlong Búa liềm Vàng rơh tal 11 năm 2026.