Nar nđaơ (3/2), ta n’gor Dak Lak, Mpôl pah kan bah N’gâng kan Tổng Tham mưu Tahen ƀon lan Việt Nam yor Trung tướng Nguyễn Bá Lực, Groi tổng tham mưu trưởng ƀư Kruanh mpôl pah kan lĕ tât uănh nđôi trong kan nchrăp tiăr nti năm 2026 ta Lữ đoàn Đặc công 198-Binh chủng Đặc Công.

Jêh uănh nđôi, Trung tướng Nguyễn Bá Lực djôt dơn n’hanh uănh lah prêh nuih n’hâm nchră lor, rhăt jăp bah gưl ủy, ntĭm rđău Lữ đoàn 198 tâm trong kan nchrăp tiăr Ăp nkô̆ dơi nchrăp tiăr êp đah nău đă kan, đăp mpăn chính quy, khoa học n’hanh đăp mpăn.  Groi tổng Tham mưu trưởng Tahen nuĭh ƀon lan Việt Nam đă Lữ đoàn kơp uănh tay, lôch jêh ntŭk nti; uănh khlay tiăr nti tâm ban, lăp jru, êp nău kan ngăn, tŏng ăp đăp mpăn đah nuĭh n’hanh ndrăk nsiu năp lor. Nkhêp di năm mhe, Trung tướng Nguyễn Bá Lực mbah rhơn cán bộ, tahen Lữ đoàn Đặc công 198 tâm rnglăp, mkra jêr jŏt, tâm rlong tiăr blău, nchrăp rdâng lơh têh, lôch jêh uĕh ăp nău kan dơi jao tâm năm 2026.