Đah bôk nău “Dak Lak-Rgum lăp n’hanh hun hao”, năm 2026, n’gor Dak Lak mbơh ƀư du rơh âk bôk nău kan ntrŭt ngăch pâl nđaih tă bah trong lễ hội, nău ƀư jong tâm năm. Ntơm bah bôk năm, trong nău ƀư rhơn Tết Nguyên đan Bính Ngọ hăn ndrel nkah gĭt Lơh dơi Buôn Ma Thuột dơi nchrăp uĕh, geh mông nar n’gŭr răm, wăch rgum nuĭh ƀon lan n’hanh năch.

Bôk nău ƀư nghệ thuật mbah rhơn năm mhe măng lôch năm ƀư nkre ta phường Buôn Ma Thuột n’hanh phường Tuy Hòa rgop rêng hvi mông nar răm m’ak. Lăp tâm khay 6, pâl nđaih Dak Lak geh nău boăt nthoi đah văn hóa nkual prêh n’hanh dak lêng đah Lễ hội Ka Ngừ năm 2026, Rƀŭn nchră Wăng sa dak lêng. Jêh nĕ Lễ hội Cầu Ngư, Lễ hội Sầu riêng gưl n’gor n’hanh bôk nău ƀư nghệ thuật nkah gĭt Quốc khánh 2/9.