Ôi ntri (28/1), Bộ Công an ƀư hop báo mbơh Nghị định mbrô 2 bah Chính phủ. Tĭng nê, ntơm bah nar aơ (1/3) lam n’gâng kan công an n’gor dơn hôm 2 gưl dơm lah gưl n’gor n’hanh gưl xã; lĕ rngôch 694 nhih pah kan công an gưl nkuâl rlu kan. Ta rơh hop báo, Bộ Công an an gĭt, mpeh nău dơi kan, nău dơn kan bah Bộ mbra dơn 5 rmôt nău kan bah ăp bộ, n’gâng kan.

Công an n’gor dơi dăp rgum, glêh tam hôm gưl n’gor n’hanh gưl xã. Tâm rơh dăp rgum, glêh tam rơh dja, mpôl công an n’hŭch tay 1 Cục, hŭch 7 jrô kan, 694 Công an gưl nkuâl; hŭch bơi 6 rbăn đội (mpeh Công an gưl nkuâl). Bộ Công an hŏ kan nsum đah Viện Kiểm sát ƀon lan gưl têh, Ngih phat dôih ƀon lan gưl têh gŭ mĭn, rdâk njêng, n’gluh an dŏng Thông tư liên tịch gay nkra lĕ rngôch ăp nkô̆ nău khlay kan nsum mpeh pah kan ôp uănh, manh nhŭp kân, manh krŭng, nhŭp kân nuĭh tih đah nhih pah kan ôp uănh đah Viện Kiểm sát ƀon lan, Nhih phat dôih ƀon lan ta n’gor rnôk mô ƀư Công an gưl nkuâl.