Bol ma rmôt n’gâng kan công an kŏ kơt lah n’gâng kan ntĭm nti tâm nkuăl mro geh nau nkah mbơh tât nau rlăm bah trong mạng, yơn knŭng tâm gleh nar, âk nti ntĭm nti kon se tâm nkuăl Đăk Hà, n’gor Kon Tum geh bu rlăm, đah rnoh prăk bu geh sŏk rlau du rmen 300 rkeh. Nau kan ăp nai ntĭm nti kon se tâm nkuăl Đăk Hà, n’gor Kon Tum geh bau rlăm mô êng khuch tât văng sa bah rnăk vâl, ma ƀư ăp nai ntĭm nti pah kan ntop tay nau kan, nau ƀư.

Mpeh nkô̆ nau ƀư tât nai ntĭm kon se tâm nkual geh bu rlăm tâm mạng, wa Lê Thị Nhung, Kruanh Jrâu kan ntĭm nti nkuăl Đăk Hà, n’gor Kon Tum, ân lah, geh âk nkô̆ nau, bol ma hŏ geh nkah tă bah n’gâng kan, ngăn lah n’gâng kan công an. Yơn lah, hôm geh âk nai ntĭm kon se tĭng nau bu jă, têk klônh. Tâm nkô̆ nau rlăm ri ăp nai ntĭm kon se ntôn lah geh ngăn, ƀư tĭng nau bu đă, jêh ri njoăl prăk bah nơm ân ma bu./.