Tâm nău ntoh n’gôr nđơr rhơn bar mpôl rnoi dôl nchrăp vơt Tết way ơm Ất Tỵ 2025, Tổng Bí thư Tô Lâm lah na nê̆ Việt Nam way geh uănh khlăy hun hao tâm boh kan đah Trung Quốc lah nău kan an lor bôk năp tâm lĕ rngôch trong kan nchră nău đah dak bah dih đăp mpăn, ƀư tơm, âk ding nău kan, âk ntrong kan. Tổng Bí thư, Kruanh dak Tập Cận Bình lah na nê̆ Đảng, Ngih dak Trung Quốc an lor gay ma hun hao tâm boh kan đah Việt Nam ta trong kơl kan đah dak bah dih dăch meng. Di rơh aơ, Bar hê nuĭh leo kan lĕ ndrel geh mbơh ntơm ƀư năm tâm nđur Việt Nam- Trung Quốc 2025; ntrôl dăng nău mbơh tơih, ntĭm nti tâm ăp nuĭh ƀon lan, ngăn lah ta rơh mom 2 dak mpeh nău tâm boh tâm rnglăp ueh way ơm Việt - Trung Quốc. Tổng Bí thư Tô Lâm đă bar ding an geh ntĭm đă ăp n’gâng kan, ăp gâl kan nsrôih joi ăp trongkan, nău kan săk rnglăy gay ma mât njrăng n’hanh doh rklaih ueh lơn ăp nău mô tâm ban, n’hao nău tâm kơl an tâm di đah nău tâm boh bar ding bâh nău kan Hiến chương Liên hợp quốc n’hanh luật pháp lam ntur neh tâm nĕ geh Công ước Liên hợp quốc mpeh Luật dak lêng năm 1982.