Lŏ tâm rnôk hăn kan ta Gia Lai, lơ 15/1, Groi Kruanh dak Võ Thị Ánh Xuân ndrel rmôt hăn kah hŏ tât leo kao, mpoh kthup Kruanh hồ Chí Minh tâm Quảng trường Đại Đoàn Kết ndrel mpoh kthup ăp nŭih janh dăng ơm kăl e tâm ntŭk tâp ta n’gor Gia Lai. Bah năp rup ndak bah Wa Hồ ndrel ăp rnoi Tây Nguyên tâm Quảng trường Đại Đoàn Kết, Groi Kruanh dak Võ Thị Ánh Xuân ndrel rmôt hăn kan hŏ leo nkao, nkah du mnĭt tât nau kơl an têh kuăng bah Kruanh Hồ Chí Minh-rđau kan blau ngăn bah Đảng nơm, nŭih janh dăng rkalih rnoi mpôl, nŭih tahen Cộng sản lam ntur neh ueh blau.

Rmôt hăn kan kŏ mpoh kthup tâm ntŭk ôp brah Wa Hồ tâm ntŭk Quảng trường. Tâm nau ƀư rjăp, nkah klâng ta ntŭk tâp tahen n’gor Gia Lai, Groi Kruanh dak Võ Thị Ánh Xuân ndrel rmôt hăn kan hŏ dŏng du mnĭt, ntoh nuih n’hâm ryơk, nkah tât nau kan têh kuăng bah ăp nŭih janh dăng, tahen lĕ khĭt./.