Ôi 15/1, ta Hà Nội, Tổng Bí thư Tô Lâm râng rgum nchră gưl neh dak  hun hao doanh nghiệp công nghệ mbrô Việt Nam tâl 6 đah nkô̆: "Ƀư tơm công nghệ mbrô, ƀư tơm rnôk ndơ̆ rgâl mbrô Việt Nam ma doanh nghiệp công nghệ mbrô Việt Nam".  Lah ta rơh rgum nchră, Tổng Bí thư Tô Lâm lah rjăp, tâm rnôk lam ntŭr neh n’hanh cách mạng công nghiệp tâl puăn, công nghệ mbrô hŏ n’hanh dôl năl di nău khlay suan ntrôl tơm, ntrŭt ntrôl nău hun hao wăng sa n’hanh rêh jêng kon nuĭh.

Rgâl mbrô mô dơn lah du trong rƀŏng khlay, ma hôm lah nău ŭch geh jăch ndăn gay Việt Nam rŭch huêt tâm ƀah hun hao đah nkual n’hanh lam ntŭr neh. Nkre, rgâl mbrô geh nău khlay têh jong, kơl n’hao  dăng tâm rlong neh dak n’hanh rdâk tay ntŭk nsing khlay bah Việt Nam ta bản đồ wăng sa lam ntŭr neh. Yơn lah, gay dơi ăp rnoh tât dja, ân geh nău tâm ton dăng bah Chính phủ, nău ndrel hăn bah doanh nghiệp, nău tât râng uĕh bah nuĭh kan n’hanh lĕ rngôch nuĭh ƀon  lan. Tổng Bí thư dăn đă, n’hao nău dơi n’hanh ntŭk nsing dăng tâm rlong lam ntŭr neh, nsrôih tât năm 2030, n’hao Việt Nam lăp tâm rmôt 3 dak dâk bôk năp Đông Nam Á mpeh gŭ mĭn n’hanh hun hao công nghệ mbrô, njêng luh dŭt đêt 5 doanh nghiệp công nghệ mbrô têh geh nău dơi tâm rlong đah dak bah dih.