Kêng măng ntri (15/1), Thủ tướng Chính phủ Phạm Minh Chính n’hanh I ur ndrel mpôl ntơh măt gưl têh Việt Nam hŏ hăn khâl ngăn dak Cộng hòa Ba Lan, Cộng hòa Séc, râng tâm nchră ăp năm tâl 55 Rgum nchră wăng sa lam ntŭr neh (WEF) ta Davos (Thụy Sĩ) n’hanh pah kan bar ding ta Thụy Sĩ ntơm bah nar 16-23/01/2025.

Hăn pah kan geh nkô̆ khlay, lah rjăp tay gung trong tâm boh dak bah dih êng nơm, ƀư tơm êng, âk ding, âk ntil, lor nchrăp, nsrôih lăp rgum dak bah dih lam lĕ rngôch, jru hvi  n’hanh nsĭt geh nău dơi bah Việt Nam, rgum ƀư tâng jru tâm boh bah dak he đah ăp dak băl tâm boh khlay, n’hao têh dăng lơn ntŭk gŭ kan, nău khlay kan n’hanh nău rgop dơn kan bah Việt Nam, nđơn nău mpơl lor mpeh nău nsrôih, nău nđơr hun hao bah rnoi nuĭh, wăch rgum ăp tơm ndơ dak bah dih rhŏ dŏng ăp nău tât hun hao neh dak. Hăn khâl ngăn tât Ba Lan, Czech n’hanh pah kan ta Thụy Sĩ lah rnôk geh khlay gay Việt Nam ntrŭt ntrôl tâm boh jru hvi lơn đah ăp dak tâm ban kơt ta nkual Trung Đông Âu n’hanh EU, ntik n’hao nău khlay kan buăt nthoi đah Ba Lan, Czech đah ASEAN, n’hao dăng kan nsum nkra ăp nkô̆ nău tâm nkual n’hanh lam ntŭr neh, rgop an đăp mpăn, bah tâm lơh tâm su, tâm boh n’hanh hun hao nâp dăng ta ăp nkual n’hanh lam ntŭr neh.