Ôi nđaơ 14/1, Ủy viên Trung ương Đảng, Groi Kruanh dak Võ Thị Ánh Xuân tât khâl cán bộ tahen ta Tiểu đoàn 1-Trung đoàn Cảnh sát cơ động Tây Nguyên. Uănh lah prêh ăp nău geh ma Trung đoàn Cảnh sát cơ động Tây Nguyên dơi geh ta ăp ntil, Groi Kruanh dak Võ Thị Ánh Xuân đă Trung đoàn mât uĕh tay nău way ơm ntŭk kan Janh dăng, tĭng đah Đảng, Ngih dak n’hanh nuĭh ƀon lan, tâm rnglăp dơn ngoăy nuih n’hâm n’hanh nău ƀư.

Rgum ndâk njêng rmôt Cảnh sát cơ động “Ngăn ngên kloh uĕh, nâp dăng, chính quy, tinh nhuệ, rgâl mhe tâm di nău kan tâm nu nău mhe”. Ƀư uĕh trong kan ntĭm nti chính trị nău mĭn, ntĭm nti nău way ơm, ƀư geh săk rnglăy 6 nău Wa Hồ ntĭm Công an ƀon lan, dŭt n’hâm nti mpeh ăp ntil gay nâp nâl chính trị, nuih n’hâm tĭng đah Đảng, đah Neh dak n’hanh dŭt n’hâm rhŏ an ƀon lan. Dŭt n’hâm râng hun hao wăng sa rêh jêng, đăp mpăn nău rêh jêng, rƀŏng tĭng ăp bôk nău kan, rƀŏng tĭng jŭt jăng ngih rông mpông sat ta ntŭk, ngăn lah ăp nkual rnoi mpôl đêt.