Kêng măng 14/1, ta Ngih Trung ương Đảng, Tổng Bí thư Tô Lâm lĕ geh nar wơt đêp rmên Thủ tướng Liên bang Nga Mikhail Mishustin dôl geh rơh khâl na nê̆ Việt Nam. Ta nar wơt, Tổng Bí thư Tô Lâm mĭn lah Việt Nam nkah gĭt mro nău kơl khlay, nuih n’hâm ma nuĭh ƀon lan Liên Xô, nuĭh ƀon lan Nga lĕ an Việt Nam tâm ăp năm khay tâm lơh tâm su, kơt tâm nău ndâk njêng n’hanh mât njrăng Neh dak; mĭn lah Việt Nam uănh khlay tâm boh way ơm, kan ndrel lĕ rngôch đah Nga, uănh Nga lah kan ndrel khlay bôk năp tâm nău kơl tâm rnglăp nchră nău bah dih bâh Việt Nam.

Tổng Bí thư Tô Lâm lĕ nkoch du đêt trong rƀŏng têh gay ƀư jru lơn tay tâm boh Việt Nam-Liên bang Nga tâm năm tât. 2 nuĭh kruanh tâm ban ŭch mpeh du đêt trong nchrŏng têh gay ƀư jru lơn tay tâm boh dăch dêh way ơm n’hanh Kan ndrel lĕ rngôch Việt Nam-Liên bang Nga.