Tâm ăp năm ba năp, mpôl tahen dâk pah kan ta nkuăl ƀon têh Phú Quốc way geh mât răng dăng kâp chăm mbra geh nău tâm rdâng, gĭt na nê̆, uănh năl, nchroh mbơh di đah nău mhe, ngăn lah ta ăp ntŭk ta dak lêng, gôl dak, ta ntŭk tơm khlăy. Nău ueh săk rnglăy dơi dơi mbra râm rdâng bâh tahen ƀon lan mât kan êng geh n’hao, ntop dŭt khlăy ta nău mât đăp mpăn rnă njrăng chính trị, đăp mpăn nău rêh jêng lam ntŭk rêh jêng ta ntŭk, mât nău ƀư tơm n’har bri dak lêng. Kruanh dak Lương Cường đă mpôl tahen ăp ntŭk kan pah kan ta nkuăl ƀon têh Phú Quốc an geh n’hao nău mât njrăng, gĭt na nê̆ nuĭh kan, nău mplư rlăm, nău kan mô ueh mô di bâh mpôl rlăng, leo gĭt đah nău mhe, ngăch geh saơ n’hanh ngăch doh rklaih ăp nău mhe ntoh lưh, mô an geh nău tât ndal tâm ăp nău tât.