Ƀư tĭng bôk nău kan “Mê̆ mât rong yor Trung ương Hội Liên hiệp bu ur Việt Nam rgŏ jă, tât aƀaơ ta Đăk Lăk lĕ geh 870 oh kon se kon đơi geh dơn mât rong n’hanh rlău 2 rbăn oh kon se geh kơl ndơ, rgŏ jă nău mĭn đah âk trong kan, đah lĕ rnoh khlăy bơi tât 10 rmen prăk. Ta bôk nău kan ăp oh lĕ tâm nđur, tâm rgop đah ăp mê̆ tâm kơl mât rong, tâm kơl mbơh nău min nău ŭch rong đah ăp nuih dôl mât chăm kơl an nơm. Di rơh aơ, rnâng kan leo kan lĕ pă an 66 nklâm ndơ pă an ăp oh kon hoc geh nău dơi nti ueh. Tâm rgop leo ƀư ăp ntŭk kan, nuĭh kan, nuĭh lŏng nuih n’hâm geh dơn mât rong 9 oh kon se geh nău rêh jêr jot, geh trĕ lam nău tâm pêt tâm rŏng, tâm kơl mpeh ndơ n’hanh nău mĭn, njêng nău nsrôih gay ma kơl an ăp oh rlet rlău nău jêr jŏt, hun hao tâm nău nti n’hanh nău rêh jêng.