Ta rơh rƀŭn nchră, Groi Thủ tướng rnâng kan Chính phủ Nguyễn Hòa Bình lah na nê̆ ta meng ăp nău dơi geh, ntrong kan mbơh tơih lĕ an saơ nău kan rgâl mhe hành chính hôm nha geh âk nău kŏ khan, nău mô hŏ dơi ƀư, doanh nghiệp, nuĭh ƀon lan geh gĭt đah n’gâng kan hành chính nsum ê hŏ geh nău ueh aih tâ di dơh nơih. Ăp nău mô dơi, nău kŏ văk aơ, an geh ngăch ndâk nsơm gay ma tâm di đah nău ŭch ngăn, ngăch mbluh ueh aih n’hanh dŏng geh săk rnglăy ăp rnoh kan an ndâk nsơm, hun hao, kơl an rơh rgâl săk mhe, rơh têh ndrŏng, rtêh săk an hun hao bâh neh dak. Mpeh nău kan let năp tay, groi Thủ tướng Rnâng kan Nguyễn Hòa Bình đă ăp nuĭh kan ndrel rnâng kan ntĭm leo, ăp n’gâng kan, ntŭk kan rgum ƀư tĭng 11 nău kan lĕ geh ntĭm đă. Tâm nĕ nkah mbơh ƀư tĭng ăp nău ntrunh bâh Đảng, Chính phủ mpeh rgâl mhe hành chính gay ma mbơh tơih ƀư tĭng an ueh, bâh nău kan gĭt na nê̆ nuĭh kan, gĭt na nê̆ nău kan,geh nkô̆ nău n’hanh mông nar ƀư lôch ueh.