Ta rơh tâm nchră, nuĭh ƀon lan mpơl nău knơm đah nău leo kan, ntĭm đă bâh nuĭh leo kan n’gor Lâm Đồng tâm rnôk ta ntŭk tâm rdâng đah âk nău jêr, ntul rlong. Nkre lah, ŭch n’gor Lâm Đồng an geh rgum hun hao nău dơi ta trong kan pâl nđaih n’hanh tuch tăm, ntrôl dăng rgâl mhe rnoh mbrô, nău wăng sa rnoh mbrô, uănh khlăy ntuh kơl ndơ dŏng ntung trong, ngăn lah ăp nău kan ƀư trong têh ngăch tơm kơt Tân Phú- Bảo Lộc, Bảo Lộc- Liên Khương n’hanh Đà Lạt- Nha Trang gay ma dơh nơih ta nkual tâm rgop, ntŭk kan tơm, ntrôl an hun hao wăng sa- rêh jêng. Ntoh ngơi nglôch lôch tâm nchră,  wa Nguyễn Thái Học, Mât kan ndơn ƀư Bí thư n’gor Ủy Lâm Đồng lah na nê̆, nuĭh leo kan n’gor Lâm Đồng răng dăng geh gĭt lĕ rngôch ăp nău tâm rgop, nău dăn đă, rgop nău bâh đại biểu ăp nuĭh ƀon lan. Nkre lah ton mbra rgum doh rklaih ăp nău jêr, kŏ văk aơ gay ma ntrôl an Lâm Đồng hun hao lĕ rngôch, nâp nâl.