Tĭng nĕ, rnoh ndơ 500 rbăn prăk/hê nuĭh đah cán bộ, công chức, viên chức, tahen, nuĭh tă geh kan kăl e n’hanh ăp nuĭh dơi kơl ta ntŭk rêh jêng, rnoh 1,3 rkeh prăk/hê nuĭh an mê̆ Việt Nam anh hùng, anh hùng lực lượng vũ trang, tahen sôt rmanh, tahen geh nău kop ji. Ta meng nĕ, 138 ntŭk kan, ntŭk kan tahen, công an, mât bri mbra geh dơn rnoh khlăy ndơ bâh 3-7 rkeh prăk. Nuĭh leo kan n’gor mbra geh tata khâl n’hanh pă ndơ an 54 nklâm ndơ an nuĭh tă kan ntoh lư n’hanh ăp ntŭk kan, n’gâng kan ta ntŭk. Di rơh aơ, Ủy ban MTTQ n’hanh Hội chữ thập đỏ n’gor mbra rgum tay lĕ rngôch rnoh kan gay ma kơl an ăp rnăk ach o n’hanh rnăk jêr jŏt ta nkual njônh ngai, nkual ach o, mât đăp mpăn rnoh ăp nuĭh ƀon lan geh tết ueh răm, đăp mpăn da dê.