Công đoàn n’gâng kan ntĭm nti Dak Lak mhe ƀư bôk nau kan “Tết rhơn năm mhe-rhơn Đảng”, pă nklâm ndơ ân ăp nŭih nai ntĭm nti kon se ndrel nŭih pah kan tâm ntŭk kan ntĭm nti geh nau rêh jêr jŏt gay năn mât chăm, kơl an công đoàn viên ntŭk kan ntĭm nti tâm rơh Tết năm mhe Ất Tỵ. Ntrŭnh ăp nau kan mât chăm, kơl an nau dơi ndrel nau geh jêng bah cán bộ nai ntĭm kon se ndrel nŭih kan, ntơm bôk năm nti 2024-2025.

Tât rnôk aơ, Công đoàn ntĭm nti lam n’gor Dak Lak hŏ rgop kơl an đoàn viên, nŭih pah kan công đoàn lam n’gor geh rlau 500 rkeh. Tâm rnôk Tết năm mhe Ất Tỵ aơ, công đoàn ntŭk kan ntĭm nti Dak Lak tâm n’ur njroh mprơ, rgum rƀŭn bôk năm ndrel mât măt rƀŭn Tết vay ơm tâm cán bộ, nai ntĭm nti ndrel nŭih pah kan. Rgum geh ăp nau rgop pă ndơ tết ân cán bộ nai ntĭm nti ndrel nŭih pah kan geh nau rêh jêr jŏt, nŭih geh nau ji jâk jru đah rnoh ăp nklâm ndơ lah 600 rkeh./.