Tât lĕ khay 9, Lâm Đồng geh 8.160 duk ka bah 6 mét let lơ lĕ dơi mbơh, nchih rgum ta ntŭk mât prăp nău mbơh tui ka gưl neh dak. Dŭt njrăng, rnoh duk ka geh ma nău tih IUU hôm ta rnoh âk. Bâh bôk năm tât aƀaơ, mpôl kan têh bâh n'gor lĕ ƀư rlău 1.200 rơh uănh nđôi, uănh năl rlău 6.700 duk ka, geh saơ 212 duk tih, rmal lĕ rnoh prăk rlău 3.7 rmen prăk.

N'gor Lâm Đồng lĕ uănh nđôi, uănh năl bơi tât 300 duk ka geh nău tât lơh joi tui ka mô tâm di ta nkual dak lêng dak bah dih n'hanh 864 duk mô tŏng nău dơi pah kan, gay ma pă dăp mpôl kan mât uănh na nê̆ duk ka n'hanh nuĭh kan rnâng kan ntĭm leo ngih dak njrăng đă, nău kan mât uănh duk ka ta Lâm Đồng hôm nha geh âk nău an geh doh rklaih. Rnoh duk geh nău tât tih n'hanh duk mô tŏng nău dơi pah kan hôm e âk đah lĕ rngôch rlău 1.500 duk. Ta năp nău ŭch rdâng lơh IUU, UBND n'gor Lâm Đồng lĕ mbơh 2 ntŭk duk mpan ka an rlu, ndâk ƀư rnoh mbrô mât uănh luh lăp ăp nar. Uănh nđôi ăp ntŭk tât ma duk mpan way tât rlu, nkre jao nău dơn kan an ăp ntŭk uănh nđôi duk luh lăp ta ăp ndrâm aơ.