Uănh nđôi na nê̆ rnoh ngăch ƀư Nău nchrăp ƀư Trong n'hoch dak Tham Lương - Bến Cát - Rạch Nước Lên, Thủ tướng lah rjăp, aơ lah trong n'hoch dak n'hanh trong hăn khlay jong 64km, đă ăp nuĭh ndranh an rgum dŭt âk măy mŏk, nuĭh kan, ndăn trôk nar dơh uĕh gay ƀư lôch jêh ndơ ƀư.

Ntŭk uănh nđôi Nău nchrăp ƀư nkra dak bŭk nkual ƀon têh Hồ Chí Minh geh uănh tât nău rgâl trôk nar (lvang 1) ta nkual n'glău Tân Thuận, trong Trương Đình Hợi, phường Xóm Chiếu, Thủ tướng Lê Minh Hưng đă ăp ding geh tât n'hao nuih n'hâm dơn kan, ndăn ngăch mkra lĕ ăp nău wăk kol, der bah roh huach tơm prăk ntuh kơl bah Ngih dak n'hanh kon nuĭh. Thủ tướng dăn đă. UBND TP. Hồ Chí Minh tâm rgop rjăp, tâm ban ŭch trong kơl prăk kaih n'hanh trong ƀư mât dŏng gay ơm ndơ̆ nkual n'glău Tân Thuận lah êng n'hanh lĕ rngôch nău nchrăp ƀư nking n'gang dak bŭk lah nsum sĭt tât nău kan, rhŏ dŏng an nău rêh ƀon lan.