Dak Lak geh nău dơh uĕh mpeh neh ntu, ndơ tuch tăm tơm n'hanh ntŭk boăt nthoi Tây Nguyên đah Duyên hải Nam Trung Bộ. Yơn lah, gay n'hao nău dơi tâm rlong, n'gor ân rgâl bah hao jêng nsing tâm rnoh âk jêng hun hao nsing tâm nău gĭt blău, công nghệ n'hanh rnoh khlay hao. Ta tâm nchră, ăp đại biểu nchŏng luh ngoăy tâm ăp mpăng đêt têh lah boăt nthoi đah gŭ mĭn khoa học n'hanh nău ŭch geh ngăn ngăn mô hŏ rjăp. Âk nău dơi gŭ mĭn mô hŏ dơi dŏng tâm nău ngăn tuch tăm, tâm rnôk doanh nghiệp, hợp tác xã hôm jêr gĭt tât nuĭh rnâng kan n'hanh công nghệ tâm di. Ăp nău mĭn ntơm njêng nău kan hôm mâp jêr jŏt mpeh ntŭk ntô hun hao n'hanh tơm ndơ ntop kơl đŏng. Gay n'hŭch tâm ƀah đah gŭ mĭn n'hanh nău ngăn, ăp nuĭh rnâng kan dăn đă ntrôl dăng tâm rgop Ngih dak - nhih nti - doanh nghiệp, ntik n'hao nău khlay kan buăt nthoi bah ăp mpôl kan nsum mpôl, ntrŭt ntrôl jao an n'hanh tăch rgâl nău dơi gŭ mĭn, lơn lah tâm ăp n'gâng kan tơm kơt cà phê, tiêu, sầu riêng.