Nău Ban Bí thư ndâk njêng Rmôt kan uănh nđôi gay ma uănh năl di na nê̆ nău geh mbơh ƀư Nghị quyết mbrô 71, bôk nău kan mpeh ntĭm nti phổ thông, tâm nĕ rgum ƀư kloh 4 nău kan têh geh: Bôk nău kan ntĭm nti phổ thông; Samƀŭt giáo khoa; Ntŭk ntô ndơ dŏng n'hanh Ntŭk kan, rmôt nai.

Ntoh ngơi ta rơh rƀŭn nchră, wa Trịnh Văn Quyết, Kruanh Ban Tuyên giáo Trung ương, Kruanh Mpôl uănh nđôi đă tâm rnôk uănh nđôi an geh "nchŏng na nê̆, mbơh na nê̆, uănh năl di", ƀư tât lôch tât dŭt, yor "ăp ndrôm samƀŭt giáo khoa, ăp jrô nti, ăp nai ntĭm nti lĕ geh tât nău rêh let năp tay bâh rhiăng rkeh kon hŏk n'hanh nău knơm bâh rhiăng rkeh rnăk vâl". Bâh nĕ, ntop ndơ̆ nău kan ntĭm nti phổ thông lăp tâm nău kan na nê̆, đăp mpăn, n'hao nău ueh, ngăn ngên jêng ntŭk nsing an nău hun hao ngăch n'hanh nâp nâl bâh neh dak.