Mpôl pah kan bah Rnâng kan n’gor ủy Dak Lak yor đồng chí Lương Nguyễn Minh Triết, Bí thư N’gor ủy Dak Lak ƀư kruanh mpôl lĕ tât khâl, mbah rhơn Tết ăp cán bộ, tahen n’har bri pah kan ta dak lêng ta Pôih tahen N’har bri Hòa Hiệp Nam. Bí thư N’gor ủy Dak Lak Lương Nguyễn Minh Triết djôt dơn, rnê rhơn ăp săk rnglăy dơi geh bah Pôih Tahen n’har bri Hòa Hiệp Nam, phường Hòa Hiệp (nkual ƀon têh Tuy Hòa, n’gor Phú Yên ơm) tâm trong kan mât uănh, njrăng n’gang ƀư tơm neh ntu, rnă njrăng n’har bri ngih dak.

Năm tât, Bí thư N’gor ủy Dak Lak đă gưl ủy, ntĭm rđău Pôih tahen n’har bri Hòa Hiệp Nam mât uănh, ƀư dơi ăp nău rƀŏng Nghị quyết Đại hội đại biểu lam dak rơh tal 14 bah Đảng; mât uănh tay, kơl uĕh nău rêh drăp ndơ, nuih n’hâm an cán bộ, tahen, ngăn lah ăp đồng chí ngai rnăk wâl, gŭ ta ntŭk kan kâp tết. Nkhêp di năm mhe, đồng chí Lương Nguyễn Minh Triết mbah rhơn cán bộ, tahen Pôih tahen n’har bri Hòa Hiệp Nam wơt Tết way ơm răm m’ak, đăp mpăn, lôch uĕh ăp nău kan dơi jao.