Ta ăp n’gor, trong kan leo ƀư săch kruanh bâh gưl n’gor tât ntŭk kan ba dâng lĕ geh ƀư lôch ơm. Uỷ ban săch kruanh ăp gưl geh ƀư njêng di nău ntrŭnh, hăn ndrel đah ăp tiêủ ban way kan mpeh nuĭh kan, mbơh tơih, kơl kan, rnă njrăng- dak si n’hanh doh rklaih ăp nău tâm lah tâm phong. Ăp ntŭk geh leo kan rdâk njêng nău nchrăp kan na nê̆, pă na nê̆ di nuĭh, di nău kan, mât đăp mpăn ăp nău kan an geh mbpơh ƀư tâm di, di luật. Ta meng nău nchrăp ndơ dŏng, nău kan mbơh tơih, ngăn lah ta ntŭk kan mạng, geh ăp ntŭk uănh khlăy ngăn. Ta năp nău n’hao âk bâh ăp ntil nău mbơh mô tâm di ta mạng mpeh rơh săch kruanh, n’gâng kan n’hanh ƀon lan lĕ leo njrăng rdâng, tâm rdâng bâh ơm, bâh ngai. Mô an geh nău tât ndal, ăp trong kan mât đăp mpăn rnă njrăng, đăp mpăn nău rêh jêng lĕ geh mbơh ƀư tâm ban ta ăp n’gor duyên hải Nam Trung Bộ n’hanh Tây Nguyên.