Ntoh ngơi ta rơh ntơm pơk, Thủ tướng Phạm Minh Chính lah na nê̆, n’gâng kan Chính trị ntrŭnh 9 Nghị quyết bôk nău kan, geh lĕ rngôch ăp trong kan khlay bâh neh dak kơt lah,. nău wăng sa kan êng, wăng sa ngih dak, dak si, ntĭm nti, nău way kan, wăng sa đah dak bah dih, ŭnh nar, văn hoá. Aơ lah nău kan chính trị khlăy gay ma mbơh tơih ƀư tĭng 2 nkô̆ nău kan 100 năm. Mpeh mbơh tơih Nghị quyết 79 bâh n’gâng kan Chính trị mpeh hun hao wăng sa ngih dak, Thủ tướng đă ăp nuĭh kan ta rnâng kan ntĭm leo rgum an tâm rgop nău mpeh nău nchrăp Nghị quyết bâh Chính phủ ntrŭnh bôk nău pah kan ƀư tĭng Nghị quyết 79 đah trong kan “Nsrôih kan âk, nău kan nsrôih têh, pah kan răng dăng” n’hanh geh pă 6 nău kan “ di nuĭh, di nău kan, di ngăch kan, gĭt na nê̆ nău dơi, gĭt na nê̆ nău kan n’hanh gĭt na nê̆ ntil ndơ” gay ma leo ƀư geh săk rnglăy. Đah nău mĭn kan, săk soan, tâm rgop nău gay ma dơi ƀư na nê̆, nău kơl kan gay ma leo ƀư an ueh.