Bí thư Thành ủy Hà Nội Đinh Tiến Dũng ƀư tơm rơh wơt n’hanh pah kan đah mpôl ntơh măt gưl têh Thủ đô Vientiane tă bah Kruanh nkual ƀon têh Athsaphangthong Siphandone leo hăn. Lah ta rơh wơt, Kruanh nkual ƀon têh Vientiane Athsaphangthong Siphandone mpơl nău nkah uĕh đah suan hun hao dăng bah Thủ đô Hà Nội mpeh ăp ntil nău tâm bah ri aơ.

Nkre nkoch lam lĕ rngôch mpeh nô nău hun hao bah Thủ đô Vientiane, Kruanh nkual ƀon têh Vientiane, an gĭt, wăng sa nkual ƀon têh hun hao rĭng 4,3%, đah rĭng geh tĭng bôk nuĭh nklăp rlău 5.500 USD/năm. Tâm 9 khay năm aơ, Vientiane hŏ tât lôch jêh sŏk geh ngân sách, rƀŏng tât rnoh rlău nklăp 20% tâm năm aơ. Bí thư Thành ủy Hà Nội Đinh Tiến Dũng dăn đă Thủ đô Vientian ra tay nău tĭng ƀư siƀŭt tâm ton tâm boh đah bar thủ đô tâm bah ri aơ, nkre ntrŭt ntrôl ăp quận, nkuâl an ƀư tâm  boh tay dăng lơn n’hanh geh nău tam lơn. Nkre lah rjăp, tâm  boh đah Hà Nội n’hanh Vientiane ân nsrôih jêng ntĭt leo lor tâm boh đah ăp n’gor Việt Nam - Lào, rgop ngăn ngăn tâm nău tâm boh bar Đảng, bar dak./.