Geh âk nău dơi tâm hun hao wăng sa nkre đah rdâk nâp njrăng n’gang neh dak – rnă njrăng nkual n’har bri bah lơ Tây Nguyên, Binh đoàn 15 hŏ rhơn n’hao êng dơi ntăm an Huân chương Mât njrăng neh dak hạng Nhất. Ôi 19-2, ta nkual ƀon têh Pleiku, n’gor Gia Lai, Binh đoàn 15 ƀư nkah ndray 40 năm Nar way ơm Binh đoàn. Tâm 40 năm aơ, Binh đoàn 15 tĭng ƀư ndrel đah nău dơn kan wăng sa n’hanh njrăng n’gang neh dak.

Aƀaơ đơn vị mât rlău 44.295 ha cao su n’hanh bơi 400 ha ba, mbo bum biăp, ndrel 6 nhih máy nkret njêng rtăk cao su đah rnoh dăng 55.000 tấn/năm. Binh đoàn hŏ rgop rlău 2.800 rmen prăk tâm ngân sách ngih dak, nta geh nău  kan đăp mpăn an rlău 16.000 nuĭh kan, tâm nê rlău 60% lah nuĭh rnoi mpôl đê̆. Ndrel hăn đah hun hao wăng sa, Binh đoàn 15 way uănh khlay pah kan rgŏ jă, kơl ƀon lan jut jăng ji ngot n’hŭch ach o, rdâk njêng ƀon lan mhe. Đơn vị hŏ kơl rdâk njêng n’hanh nkra rlău 1.500 km trong hăn, 400 km trong điện, ndrel âk jay ăch chrach nsum, nhih dak si, nhih nti.