Lơ 25/10, ta Ngih Trung ương Đảng, N’gâng kan Chính trị, Ban Bí thư lĕ ƀư jao an Nău ntrŭnh đă đồng chí Trần Cẩm Tú, Ủy viên Bộ Chính trị, Bí thư Trung ương Đảng, Chủ nhiệm Ủy ban Kiểm tra Trung ương dơn ƀư Rnâng kan Ban Bí thư. Ndơn măt Bộ Chính trị, Tổng Bí thư Tô Lâm lĕ jao an Nău ntrŭnh bah Bộ Chính trị đă đồng chí Trần Cẩm Tú, Ủy viên Bộ Chính trị, Bí thư Trung ương Đảng, Kruanh Ủy ban Kiểm tra Trung ương mât ƀư Rnâng kan Ban Bí thư khóa 13, nkre lah rjăp, aơ lah nău kan khlay tâm rnôk lam Đảng dôl nsrôih nchrăp đaih hội ăp gưl tât Đại hội rơh tal 14 bah Đảng.

Bộ Chính trị nsing nơm đồng chí Trần Cẩm Tú, du hê kruanh gưl prêh, lĕ dơi ntĭm nti uĕh, têh jêng ntơm bah dâng, geh nău blău jru n’hanh âk nău blău pah kan, lĕ rlău âk gưl nău kan khlay bah Đảng ta Trung ương n’hanh n’gor mbra nsrôih uĕh nău kan ăp nar bah Đảng; ntĭm rđău Văn phòng Trung ương Đảng ndrel ăp ngih pah kan geh tât ƀư tĭng uĕh bôk nău kan; đăp mpăn nău tâm di, tâm ban ŭch bah trong chính trị. Ta năp măt, đồng chí Trần Cẩm Tú rgum ntĭm rđău Văn phòng Trung ương Đảng n’hanh ăp ngih pah kan geh tât lôch uĕh trong kan nchrăp an đại hội đảng ăp gưl, rƀŏng tât Đại hội rơh tal 14 bah Đảng.