Ôi 27/11, Bộ Công an ƀư nar rgŏ jă kơl ƀon lan miền Trung, Tây Nguyên geh khuch khat jru hô tă bah phŭt, mih dak bŭk lơh. Tâm bah ri aơ nơh, tă khuch bah ăp rơh dak bŭk, hŏ lơh khuch khat jru hô mpeh nuĭh n’hanh drăp ndơ đah ƀon lan miền Trung, Tây Nguyên, lơn lah ăp n’gor, nkual ƀon têh: Dak Lak, Lâm Đồng, Khánh Hoà, Gia Lai, Đà Nẵng.

Tĭng ƀư nău rđău đă bah kruanh Đảng, Ngih dak, Bộ Công an hŏ rgum rlău 195.000 tơ̆ cán bộ tahen n’hanh mpôl râng mât rnă njrăng đăp mpăn tâm dâng; rlău 27.700 tơ̆ ndeh rklư râng rdâng lơh, nkra bah khuch khat dak bŭk; ƀư kơl nuĭh tât khuch kơl 150.000 nuĭh, kơl njŭn 500 tấn ndơ n’hanh 4,7 rmen prăk kơl nuĭh ƀon lan ta ăp nkual geh khuch khat. Ta rơh rgŏ jă, kruanh Bộ Công an kuăl jă mpôl kan dâk kan tay ngăn ngăn, năn ngăch ntop kơl nuĭh ƀon lan mô an geh pah pât ndơ sa, dak ngêt, mô tŏng ăp dak si dak gle. Công an ăp n’gor lor nchrăp ra uănh tay nkual geh tât khuch hô, njrăng n’gang nuĭh tih nde tâm trôk nar lơh n’hanh hao âk ntop kơl ƀon lan./.