"Ndăn dăp rgum ăp tŏng nuĭh kan n’hanh trong kan mbluh soih, geh nău tam”- Aơ lah nău đă dơi Bộ trưởng Bộ Tài chính ndơ̆ luh ta rnôk Tâm nchră mbơh Nghị định bah Chính phủ quy định nău dơi kan, nău dơn kan, n’glĕ nău dơi nkra n’hanh dăp rgum nuĭh kan bah Bộ Tài chính. Tâm nchră dơi ƀư kêng măng nar 3/3 ta Nhih pah kan Bộ Tài chính đah nău tât râng bah Groi Thủ tướng Hồ Đức Phớc n’hanh Groi Thủ tướng Nguyễn Chí Dũng.

Ta rơh tâm nchră, Vụ trưởng Vụ Tổ chức cán bộ bah Bộ Tài chính hŏ mbơh Nghị định bah Chính phủ quy định nău dơi kan bah Bộ Tài chính n’glăp nsum, mbơh ăp nău n’glêh an bah Thủ tướng Chính phủ ntăm n’hao 5 Thứ trưởng mhe dơn nău kan bah Bộ Tài chính. Groi Thủ tướng chính phủ Hồ Đức Phớc n’hanh Nguyễn Chí Dũng hŏ ndơ̆ siƀŭt n’glêh an Thứ trưởng mhe Bộ Tài chính. Ta rơh tâm nchră hŏ mbơh nău n’glêh an njêng Đảng bộ Bộ Tài chính, n’glêh an nchŏng đă râng Ban Chấp hành, Ban Thường vụ, Bí thư, Groi Bí thư Đảng ủy Bộ Tài chính năm kan 2020 – 2025, lôch nê lah mbơh ăp nău n’glêh an ntăm n’hao kruanh rđău kan (gưl kruanh) bah 35 đơn vị bôk tơm mpeh Bộ tâm ban ŭch n’glêh an ăp Kruanh rđău kan ăp đơn vị mhe dơn nău kan.