Di nkah 62 năm nar vay ơm rmôt Cảnh sát mpuh n’hât ŭnh sa ndrel kơl an nau mâp rmanh, 22 năm nar lam ƀon lan njrăng rdâng ŭnh sa, măng 28/9, ta ntŭk kan Văn hoá Lao động Hữu nghị Việt Xô geh ƀư bôk nau kan “Rgŏ jă lam ƀon lan njrăng rdâng ŭnh sa ndrel kơl an nau mâp rmanh” yor N’gâng kan Công an tâm rgop ma ntŭk kan ntoh rup Việt Nam ƀư. Kruanh Quốc hội Vương Đình Huệ râng bôk nau kan.

Tâm nau ƀư aơ, rnê ryơk ăp nau kan ueh, ăp nau kan janh, ăp nau dơi bah ăp rmôt ndrel ƀon lan tâm nau njrăng, rdâng ŭnh sa ndrel kơl an nau mâp rmanh, ndrel nkah ăp nŭih geh nau khuch, nkah ăp cán bộ, tahen ndrel ƀon lan hŏ janh, roh chuêl săk nơm kơl an rklaih nau mâp rmanh tâm rơh rlau aơ. Tâm rơh tât, nau ŭnh sa, rtoh, nau tât mâp rmanh hôm âk ơm, jêr rdâng, ri ân geh rgum ƀư ueh nau mpuh n’hât ŭnh sa ndrel kơl an, tŏng dơi nau đă bah rnôk mât đăp mpăn ân lam ƀon lan./.