Cục thuế n’gor Dak Lak mhe ƀư tâm nchră tâm dâl nău đah nuĭh ndơ̆ prăk sŏk soăy.

Ta tâm nchră, ăp nuĭh ntơh măt dơi nkoch gĭt mpeh nô nău kan bah ăp doanh nghiệp, mpôl kan wăng sa tâm năm 2024; djăt nđơn tay nău đă, nkoch mbơh Nghị định mbrô 72 bah Chính phủ quy định trong kơl n’hŭch đêt sŏk soăy ntop n’hao tay tĭng Nghị quyết mbrô 142 bah Quốc hội;  Nghị định mbrô 103 bah Chính phủ quy định mpeh prăk dŏng neh, prăk manh neh; nkoch mbơh du đêt ndơ̆ dŏng sŏk soăy điện tử tă bah nhih pah kan sŏk soăy tơm an dŏng; mbơh gĭt lam hvi ăp nău tih way mâp bah doanh nghiệp dơi ban saơ ma pah kan hăn ôp uănh, kơp nđăp…Ntơh măt ăp doanh nghiệp, nuĭh ndơ̆ prăk sŏk soăy dăn đă Cục thuế n’gor Dak Lak ntĭm nti na nê̆ nău tĭng ƀư rêng, rnôk n’gluh hóa đơn an ndơ tăch n’gluh; ntĭm nti na nê̆ mpeh quy định, ndơ tŏng di gay doanh nghiệp dơi geh n’hŭch đêt prăk sŏk soăy doanh nghiệp; ân ơm ra uănh tay n’hanh n’gluh nău mbơh mpeh rnon sŏk soăy gay doanh nghiệp năn ngăch kơi ntop tay.