Ôi ntri (7/2), Thành ủy Đà Nẵng ƀư tâm nchră cán bộ n’gâng tơm lam nkual ƀon têh ma trong pơk sŏng dăng n’hanh mâp na nê̆, an Nghị quyết 57 nar 22/12/2024 bah Bộ Chính trị mpeh đăt ndal hun hao khoa học, công nghệ, rgâl mhe n’hanh ndơ̆ rgâl mbrô neh dak; an tĭng ƀư nău n’glêh an 204 bah Ban Bí thư mpeh Đề án rgâl mbrô tâm ăp nhih pah kan Đảng.

Tĭng bôk nău kan bah Ban Thường vụ Thành ủy, tât năm 2030, Đà Nẵng nsrôih geh trình độ khoa học, công nghệ n’hanh rgâl blău mhe bah nkual ƀon têh tât rnoh blău mhe, tâm rmôt ăp n’gor, nkual ƀon têh mpeh trung ương leo dâk bôk năp lam dak n’hanh rmôt ăp nkual ƀon têh dâk bôk năp bah nkual Đông Nam Á; Rnoh âk rgâl mbrô, hun hao Chính phủ điện tử, đăp mpăn rnă njrăng mạng n’hanh trong kan weh ƀư vi mạch bán dẫn, dŏng trí tuệ nhân tạo n’gor tâm rmôt 03 n’hanh rnoh âk rgâl blău mhe gưl n’gor PII tâm rmôt ăp n’gor, nkual ƀon têh mpeh trung ương dâk bôk năp lam dak; Geh dŭt đêt 01 doanh nghiệp công nghệ têh tâm ban đah ăp dak têh ndrŏng gŭ kan ta nkual ƀon têh. Nkual ƀon têh ƀư wat jêh rdâk njêng nkual ƀon têh ăp tŏng nău lư buăt nthoi, ăp kôp nthoi đah nkual ƀon têh ăp tŏng geh tâm dak n’hanh nkual Đông Nam Á; ntơm bah năm 2025, N’gâng kan nkual ƀon têh an ƀư rđău đă, mât bôk kan ta ntŭk rgum prăp nău lư mbrô n’hanh ta ntŭk gŭ rêh mbrô.