Đại tướng Phan Văn Giang, Kruanh n’gâng kan Neh dak Việt Nam hŏ kuăl jă tâm nchră đah wa Pete Hegseth, Kruanh n’gâng kan Mỹ. Tâm rnôk tâm nchră, Đại tướng Phan Văn Giang lah rjăp, Việt Nam ntrŭnh ƀư ntrong kan tâm nchră đăp mpăn, ƀư tơm, âk ding, âk nau, nchrăp ndrel nsôih ngăn đah lam ntur neh, lah băl bên, lah dak tâm rnơm, lah dak kan nsum bah nsum mpôl lam ntur neh; mro uănh dak Mỹ lah ngoai tâm ăp dak kan nsum khlay bôk năp. Đại tướng Phan Văn Giang lah rjăp, tâm boh rklaih nau khuch bah nau tâm lơh kăl e tâm rơh rlau aơ lah nau ang khlay tâm nau tâm boh nau kan neh dak đah bar dak, rgop nau ƀư nkân lơi nau ơm, rƀŏng tât nau mhe.

 Wa Pete Hegseth lah rjăp, N’gâng kan Tổng thống Mỹ Donadl Trum uănh khlay ngăn ndrel rnê prêh nau tâm boh ma Việt Nam; ŭch rơh tât lŏ ntrŭt dăng rjăp lơn tay nau tâm boh kan nsum Việt Nam-Mỹ lah rjăp ndrel nau tâm boh neh dak lah êng; bah ăp nkô̆ nau hŏ tâm ban, tâm nê nau khlay lah nau kan tâm boh gay rklaih nau khuch bah nau tâm lơh ơm kăl e./.