Tâm bôk nău kan tât khâl Trung Quốc n’hanh râng rơh tâm mâp Hương Sơn Bắc Kinh tal 10. Đại tướng Phan Văn Giang, Ủy viên Bộ chính trị, groi Bí thư Quân ủy Trung ương, kruanh n’gâng kan mât rnă njrăng ngih dak Việt Nam n’hanh mpôl Đại biểu gâl têh n’gâng kan mât rnă njrăng ngih dak Việt Nam lĕ tât khâl Viện khoa học Quân sự Quân giải phóng nhân dân Trung Quốc n’hanh Lữ đoàn tâm kơl kan ndrel mbrô 6 ta Tập đoàn quân sô 82.

Tâm ngơi đah rnâng kan leo kan viện, Đại tướng Phan Văn Giang ŭch Viện khoa học Quân sự Quân giải phóng Nhân dân trung Quốc n’hao nău mĭn uănh đah ăp ntŭk kan bâh tahen ƀon lan Việt Nam. Kruanh n’gâng kan mât rnă njrăng ngih dak Việt Nam lĕ đă Viện khoa học Quân sự Quân giải phóng nhân dân trung Quốc n’hanh Viện chiến lược mât rnă njrăng ngih dak Việt Nam nsrôih tâm rgop gay ma ơm ƀư lôch nău kan mĭn uănh nsum “mât rbăy săm ƀŭt rhŏ, nău ndrăy mpeh tâm rnglăp tâm kơl đah 2 tahen Việt Nam- Trung Quốc, nău mĭn tâm rnglăp Hồ Chí Minh- Mao Trạch Đông ta rơh tâm lơh đah Pháp n’hanh Mỹ.