Ôi nar 27-9, Liên đoàn Kruanh rđău kan n’hanh Doanh nhân mom lam ntŭr neh (JCI) ta Việt Nam kan nsum đah Hội bu ur Doanh nhân nkual ƀon têh Buôn Ma Thuột n’hanh huyện đoàn Cư M’gar ƀư bôk nău kan pă kơl máy tính n’hanh ndrôm siƀŭt an kon se nti nhih nti tiểu học Y Jut, xã Ea Hđing, nkuâl Cư M’gar, n’gor Dak Lak.

Bôk nău kan hŏ pă an 30 máy tính n’hanh 2 rbăn bôk ndrôm siƀŭt rnoh khlay bơi 200 rkeh prăk. Tĭng wa Nguyễn Xuân Nhạc, hiệu trưởng nhih nti tiểu học Y Jut, nhih nti aƀaơ geh 670 kon se nti, tâm nê kon se nti rnoi mpôl đê̆ âk tât rlău 70%, ăp máy tính n’hanh ndrôm siƀŭt giáo khoa, siƀŭt khoa học n’hanh truyện tranh mbra kơl ăp kon se nti dơi tât đah ăp bôk nău kan ntĭm nti tin học, công nghệ thông tin n’hanh n’hao khlay văn hóa răk. Bah nê, ntop tay suan ntrôl gay ăp kon se nti nar lơn ma nsrôih kơt nti. Ndrel đah nău kan pă kơl  máy tính n’hanh ndrôm siƀŭt an kon se nti nhih nti tiểu học Y Jut, tâm măng 27/9, đơn vị hôm ƀư bôk nău kan “Trung thu an oh” n’hanh pă nklâm ndơ 400 nklâm ndơ an ăp kon se jê̆ ta buôn Đrao, xã Cư Dle M’nông, nkuâl Cư M’Gar.