Na nê̆, tâm khay 9 năm 2023, mpôl kan CSGT Công an n’gor Dak Lak lĕ geh saơ n’hanh nchih biên bản 36.258 nuĭh ƀư tih ta trong kan mât uănh ntung trong, tâm nĕ geh 8.650 nuĭhƀĭt ndeh ô tô, ndeh máy geh saơ tâm săk geh ngêt ndrănh bia rnôk hăn nchoh ndeh geh tât 23,9% lĕ rnoh nuĭh tih.

Dŭt nkah ngăn lah geh âk nuĭh ngêt ndrăngh ƀĭt ndeh ô tô geh công an rmal dŭt âk đah rnoh prăk rlău 40 rkeh prăk. Tâm rnoh ăp nuĭh tih geh âk nuĭh lah cán bộ, đảng viên, công chức, viên chức. Gay ma mât đăp mpăn hăn trong tât lĕ năm 2023, mpôl kan CSGT Công an n’gor Dak Lak lĕ geh rdâk njêng ăp nău nchrăp nău kan pă rnoh nuĭh, ndeh klư ntrôl dăng nău kan uănh nđôi, uănh năl ta ăp trong quốc lộ, n’gor lộ, ăp ntŭk công an way kâp chăm. ƀa ƀơ mbơh tơih ăp nău kan uănh năl ƀư tih mpeh ngêt ndrănh bia, ma túy...Bâh nĕ, rmal răng dăng ăp nuĭh geh ƀĭt ndeh klư hăn trong dŏng âk ndrănh bia, ma túy, gay ma bah ir geh nău prah tâm tom ndeh tât nău kan aơ.