Ôi 21/9, UBND n’gor Dak Lak ƀư Rƀŭn nchră n’gul gưl ăp nău ƀư rgâl mrô lvang 2021-2025. Rlău 2 năm ƀư tĭng trong kan rgâl mrô, bôk năp, Dak Lak lĕ dơi jêng n’gâng tơm rhŏ an hun hao n’gâng kan điện tử, rƀŏng tât n’gâng kan mrô ăp gưl, rhŏ ntĭm rđău ƀĭt joet, rgop n’hao tam, săk rnglăy mât uănh n’hanh ntrôl dăng rgâl hành chính.

Tât aƀaơ, 100% nău kan nsum trực tuyến lam n’gor tŏng dơi pă an âk trong joi êng êng, geh n’ăp măy di động. 95% sam ƀŭt rhăch nău pah kan ta gưl n’gor; 50% gưl nkuăl n’hanh 20% gưl xă dơi mkra ta lĕ rngôch tâm mạng. Ta rƀŭn nchră, ntoh măt ăp n’gâng kan nău kan ta ntŭk lĕ rgum tâm nchră mpeh n’gâng kan mrô, wăng sa mrô, rgâl nău rêh jêng; rgâl mrô tâm nău kan nkra njêng lŏ mir, dak si, ntĭm nti, mât uănh nkual ƀon têh. Bah nĕ, geh âk nău dăn đă gay nău rgâl mrô ta ntŭk dơi ntrôl ngăch n’hanh lĕ rngôch lơn, tĭng ngăch trong hăn nsum bah lam dak.