UBND n’gor Dak Lak dôl an ƀư rơh tâm rlong “Joi trong ntĭt leo, blău njêng mhe ndơ dŏng rgum prăp nău lư ntŭk ƀon lan gŭ rhŏ dŏng an rgâl mbrô, rgâl dơh  glêh siƀŭt. Tĭng nê, ntơm bah nar 1/11 bơi tât, Mpôl tơm ƀư mbra dơn nău tâm rlong bah ăp nuĭh, ăp mpôl râng tâm rlong. Ma rơh tâm rlong gay n’hao nău gĭt êng bah cán bộ, công chức, viên chức, nuĭh ƀon lan, doanh nghiệp… mpeh nău khlay, nău dơh ma Đề án 06 mpeh “Ƀư njêng ndơ dŏng rgum prăp nău lư ƀon lan gŭ, năl săk n’hanh mbơh di ngăn ma điện tử rhŏ dŏng an rgâl mbrô gưl neh dak lvang năm 2022 - 2025, uănh ngai tât năm 2030” nsĭt tay.

Ntơm bah nê rgop tĭng ƀư ăp nău dơn kan, rnoh ŭch tât geh bah đề án hŏ n’gluh. Râng tâm rlong lah ăp mpôl, ăp nuĭh dôl gŭ rêh, pah kan ta n’gor Dak Lak. Nuĭh râng tâm rlong đăng ký râng ăp gâl  tâm di, nkre nchih săk ndơ nchrăp mĭn njêng, njuăl ndơ geh ƀư tât mpôl  tơm ƀư bah năp nar 30/11/2024. Nchrăp, lôch jêh rơh tâm rlong mbra dơi mbơh n’hanh nkhôm rnê tâm khay 12/2024.