Tâm khay Druh ndăm năm aơ, ăp gưl kan Đoàn tâm n’gor Dak Lak ntrŭnh ƀư âk nau kan khuh n’gôr, bah nê rgum druh ndăm râng, rgop n’hâm tâm ăp nau kan, âk nau ƀư n’hêl. Đah nkô̆ “Druh ndăm leo trong, kơl an yor nau rêh ƀon lan”, âk nau kan geh ƀư tâm lam n’gor kơt Nar pơh ndrih, nar kơl an ndâk nkuăl nâp ueh, ntơm ƀư nau kan ntrơn rgâl mrô kơl an ƀon lan. Rmôt druh ndăm Việt Nam n’gor Dak Lak mbơh, bah 3 pơh ƀư nau kan khay druh ndăm, hŏ geh bơi tât 220 rmôt hăn kơl an, ƀư rlau 200 nau kan tâm ăp ntŭk ƀon lan.

Bơi tât 160 rmôt kơl an nau mhe tâm nau rgâl rgâl mrô geh ndâk, râng kơl an n’hao nau dơi blau dŏng mrô ân ƀon lan. Druh ndăm lam n’gor kŏ kơl an prăk, nar kan kơl ndâk 25 ngih tâm nau Jut jăng ngih truh sat. Ndrel ma nê, mom ndăm lam n’gor hŏ ntrŭnh ƀư nau ntrŭnh mrô 57-NQ/TW bah Bộ Chính trị mpeh nau hun hao khoa học, nau kan mhe, rgâl blau mhe ndrel rgâl mrô neh dak./.