Tâm 3 khay mbơh ƀư ăp nău kan bah Druh ndăm kơl kan khay mih, druh ndăm Dak Lak lĕ ƀư 9/11 rnoh ndơ ƀư lôch jêh rlău rnoh n’gluh an. Lĕ geh bơi 500 ndơ ƀư druh ndăm dơi ƀư tĭng đah dĭng lĕ khlay bơi 7,8 rmen prăk. Aơ lah ăp săk rnglăy ntoh lư dơi n’gluh an ta rƀŭn nchră n’glôch jêh nău kan druh ndăm kơl kan khay rlu nti năm 2023 bah N’gor Đoàn Dak Lak ƀư dŭt pơh bah năp.

Đah bôk nău Druh ndăm Dak Lak hăn lor rgâl mrô, Nău kan druh ndăm kơl kan khlay mih n’gor Dak Lak năm aơ dơi ƀư đah rlău 830 rmôt kơl kan, 270.400 nuĭh đoàn viên, druh ndăm râng. Tâm 3 khay bah nău kan, lam n’gor lĕ ƀư tĭng bơi 500 ndơ ƀư druh ndăm đah dĭng lĕ ƀư geh bơi 7,8 rmen prăk. Ăp ndơ ƀư gưl kan rgum tâm ăp nău ƀư kơt: râng ndâk njêng ƀon lan mhe, nkual ƀon têh uĕh lăng; mât uănh ntŭk ntô gŭ âm, rdâng đah rgâl trôk nar; đăp mpăn nău rêh jêng n’hanh mât uănh an kon se. Âk nău ƀư rgum tâm ăp ntŭk nkual jru ngai nkual n’har bri ta ăp nkuăl Lắk, Mdrăk, Buôn Đôn, Ea Súp n’hanh Krông Bông.